ယခုလ ၂၁ ရက်နေ့က ရေကြီးမှုဖြစ်ပွားခဲ့သည့် ပုသိမ်မြို့၌ သောက်ရေသန့်သယ်ဆောင်လာသော ကလေးငယ်များကို တွေ့ရ စဉ်။ မိုးသည်းထန်စွာရွာသွန်းမှုကြောင့် မြန်မာနိုင်ငံ တောင်ပိုင်း ဒေသ နှင့် အလယ်ပိုင်းဒေသအချို့၌ ရေကြီးမှုများဖြစ်ပေါ်ခဲ့သည်။
ဓာတ်ပုံ-အေအက်ဖ်ပီ
လားရှိုးမြို့၌ ကယ်ဆယ်ရေးစခန်း သုံးခုဖွင့်လှစ်ကာ ကူညီကယ်ဆယ် ရေးလုပ်ငန်းများ ဆောင်ရွက် ပေးလျက်ရှိကြောင်း မြန်မာနိုင်ငံ ကြက်ခြေနီအသင်းမှ တာဝန်ရှိသူတစ်ဦးကပြောသည်။
"မနေ့က နံနက် ၉ နာရီလောက်မှာ စပြီး ဖြစ်တာ။ မနေ့ကအထိတော့ ရေ၀င်တဲ့ အဆင့်ပဲရှိသေးတယ်။ ဒီနေ့တော့ ကမ်းနားက အိမ်အသေး လေးတွေ အချို့ မျောပါသွားတာမျိုးတွေရှိတယ်။ ချောင်းကတော့ သေးသေးလေးပါပဲ။ ခါတိုင်းလည်းရေ၀င်တယ်။
ခု လောက်တော့ မဆိုးဘူးပေါ့။ အဲဒါ ချောင်းဖြတ်သွားတဲ့ ရပ်ကွက် (၁) အခြမ်းက ချိုင့် လိုဖြစ်နေတဲ့ နားမခေါ် ကွက်သစ်တစ်ခုလုံး ရေမြုပ် သွားတာပေါ့။ ရေကြောင်း ကျတဲ့နေရာတွေမှာတော့ အုတ်တံတိုင်းတွေ ပွင့်သွားတာ မျိုးရှိတယ်။
အချို့နေရာတွေမှာတော့ ရေက ခါးလောက်ရောက်တာပေါ့။ မနေ့ကတော့ ရေ၀င်တဲ့ အဆင့်ဆိုတော့ လူတွေက ရေကျနိုးနိုးနဲ့ မရွှေ့ ကြသေးဘူး။ အခုတော့ ရေကလည်းမကျဘူး။ မိုးတွေကလည်း ထပ်အုံ့နေတယ်ဆိုတော့ ကယ်ဆယ်ရေးစခန်းနဲ့ ကုန်းမြင့်တဲ့ နေရာ တွေကို ရွှေ့ခိုင်းထားတယ်။ ပြောင်း ရွှေ့အိမ်ခြေစာရင်းကို စာရင်းကောက်နေတုန်းပဲ" ဟု ၎င်းက ဩဂုတ်လ ၂၀ ရက်နေ့တွင် မြန်မာတိုင်း(မ်)ကိုပြောသည်။
ရေကြီးမှုကြောင့် လားရှိုးမှ မန္တလေးဘက်အထွက် နေရာများတွင် ရေမြင့်တက်နေသောကြောင့် ကားငယ်များ ဖြတ်သန်းသွားလာ နိုင်ခြင်း မရှိကြောင်း ၎င်းက ပြောသည်။ "ရေအမြင့်က လူတစ်ရပ်ကျော် ထွန်စက် တစ်စီးစာလောက် မြုပ်တဲ့အတွက် ကားလေး တွေဖြတ်လို့မရဘူး။ မိုးကလည်း မနေ့ညက ထပ်ရွာထားတဲ့အတွက် ရေကျမယ်ထင်တာ မကျဘူး။ ရက်ကွက်အလိုက်စုပြီးတော့ ထမင်း ထုပ်ဝေတာတွေ လုပ်နေတယ်။ ရေတွင်းရေကန် တွေလည်း ရေမြုပ်ပြီး သုံးမရတဲ့အတွက် ရေသန့် တွေဝေနေကြတယ်။ ဆေးအဖွဲ့တွေကလည်း မြို့နယ်ကျန်းမာရေးအဖွဲ့တွေနဲ့ပူးပေါင်းပြီး ကယ်ဆယ်ရေးစခန်းတွေမှာ ၀မ်းပျက်ဝမ်းလျော မဖြစ်အောင် လိုက်ဆောင်ရွက်နေကြတယ်" ဟု ၎င်းကပြောသည်။
ဩဂုတ်လ ၂၂ရက်နေ့တွင်မူ လားရှိုးမြို့ ၌ ရေများပြန်လည်ကျဆင်းသွားပြီဖြစ်ကာ ကယ်ဆယ်ရေးစခန်းခြောက်ခုမှ မိမိတို့ နေအိမ် များသို့ ပြန်လည်ရွှေ့ပြောင်း နေကြပြီဖြစ်ကြောင်း ၎င်းကပြောသည်။ "မနေ့ကတည်းက ရေကပြန်စကျနေပြီ။ ဒီနေ့တော့ လုံးဝကျ သွားပါပြီ။ ရက်ကွက် ၁၊ ၇၊ ၉၊ ၁၂ရက်ကွက်တွေ ရေမြုပ်ခဲ့ပါတယ်။ တစ်ဦး ပျောက်ဆုံးနေပါတယ်။ ကျန်တာတော့ ပွန်းပဲ့ ဒဏ်ရာရတာ၊ မိုးမိဖျားနာတာလောက်ပဲ ရှိပါတယ်။ ရပ်ကွက် ၉ ထဲမှာ တဲအိမ် လေးတွေပြိုသွား တာမျိုးတော့ ရှိတယ်" ဟု ၎င်းက ပြောသည်။
ကယ်ဆယ်ရေးစခန်းခြောက်ခုသို့ ရွှေ့ပြောင်း နေထိုင်သူဦးရေ ၂၂၄ဦးခန့်ရှိခဲ့သည်။ တုံကင်ပင်လယ်ကွေ့မှ ဗီယက်နမ်နိုင်ငံသို့ ၀င် ရောက်တိုက်ခတ်ခဲ့ကာ အနောက်ဘက်သို့ ဆက် လက်ရွေ့လျားလာခဲ့သော တိုင်ဖွန်း မုန်တိုင်း ကိုင်တက်၏ မုန်တိုင်း အကြွင်းအကျန် များကြောင့် မန္တလေးတိုင်းဒေသကြီး၊ ကချင်ပြည်နယ်၊ ရှမ်းပြည်နယ်နှင့် ကယားပြည်နယ်တို့၌ ဒေသအလိုက် မိုးကြီးနိုင်ကြောင်း ဩဂုတ်လ ၁၈ ရက်နေ့ တွင် မိုး/ဇလဌာနက ထုတ်ပြန်ထားသည်။
ဩဂုတ်လဆန်းပိုင်းမှ စတင်ခါ ရေကြီးမှု များဖြစ်ပွားခဲ့သော ဧရာဝတီတိုင်းဒေသကြီး ပုသိမ်မြို့အတွင်း၌လည်း ကယ်ဆယ်ရေး စခန်း ပေါင်း ၁၅ ခုခန့်တွင် လူဦးရေတစ်သောင်း ခန့်ရွှေ့ပြောင်း နေထိုင်ရလျက်ရှိကြောင်း ရေဘေး ကယ်ဆယ်ရေးလုပ်ငန်းတွင် ပါဝင် ဆောင်ရွက်လျက်ရှိသော ပုသိမ်မြို့မှ ငြိမ်းချမ်းရေးနှင့် ပွင့်လင်းလူ့အဖွဲ့ အစည်းဖော်ဆောင်ရေးအဖွဲ့မှ တာဝန်ခံ ကိုဝေလုက ဩဂုတ် လ ၂၀ ရက်နေ့တွင် ပြောသည်။
"မိုးပြတ်သွားတာ နှစ်ရက်လောက်ရှိပြီဆိုတော့ ရေကတော့ နည်းနည်းပြန်ကျနေတယ်။ ရပ်ကွက် တော်တော်များများမြုပ်တယ်။ ခါတိုင်းနှစ်တွေလည်း ရေ၀င်ပေမယ့် အခုလောက်တော့ မဆိုးဘူး၊ ထိခိုက်သေဆုံးမှုတော့ မရှိပါဘူး" ဟု ၎င်းကပြောသည်။
ရေဘေးဒဏ် ခံစားရသူများအတွက် နိုင်ငံ ရေးနှင့်လူမှုရေးအဖွဲ့အစည်းများမှ ထမင်းထုပ် များ၊ ဆန်များ ကူညီထောက်ပံ့လျက် ရှိကြောင်း ၎င်းက ပြောသည်။ မိုးလေ၀သနှင့် ဇလဗေဒညွှန်ကြားမှု ဦးစီးဌာန ၏ ထုတ်ပြန်ချက်အရ င၀န်မြစ်ရေသည် ဩဂုတ် လ ၂၁ ရက်နေ့တွင် ပုသိမ်မြို့၌ စိုးရိမ်ရေမှတ် ၃၅၀ စင်တီမီတာ (၁၁ ဒသမ ၅ ပေ) အထက် ၁၁ စင်တီမီတာ (၀ ဒသမ ၃၆ လက်မ) ကျော်လွန် နေသည်။
ဧရာဝတီတိုင်းဒေသကြီး အတွင်းရှိ ပုသိမ်၊ ကန်ကြီးဒေါင့်၊ ကျောင်းကုန်း၊ ကျုံပျော်၊ ငသိုင်းချောင်း၊ ရေကြည်၊ ပန်းတနော်မြို့နယ် များတစ်လျှောက်ရှိ ဒေသအများအပြားတွင် မိုးသည်းထန်မှုကြောင့် ရေမြင့်တက်မှုများရှိ ကြောင်း ပုသိမ်မြို့ရှိ ဧရာဝတီတိုင်းဒေသကြီး မီးသတ်ဦးစီးဌာနမှ သိရသည်။ ဩဂုတ်လနောက်ဆုံး ၁၀ ရက်ပတ် အတွင်း ဘင်္ဂလားပင်လယ်အော်တွင်လေဖိအားနည်း ရပ်ဝန်းတစ်ခု ဖြစ်ပေါ်နိုင်ကာ မုတ်သုံလေအား အသင့်အတင့်မှ အားကောင်းနိုင်ကြောင်း မိုး/ ဇလဌာနမှ ခန့်မှန်းထားသည်။
No comments:
Post a Comment