ဦးအောင်သိန်းလင်း၏ တရုတ်သတင်းစာနှင့် အင်တာဗျူး အပေါ် နိုင်ငံရေးသမားများ တုံ့ပြန်ပြောကြား

ဧရာဝတီမြစ်ဆုံစီမံကိန်းအား နိုင်ငံတော် ၏ စွမ်းအင်လိုအပ်ချက်ကို ဖြည့်ဆည်း ရန် ပြန်လည်စတင်လိုကြောင်း အပါ အ၀င် သမ္မတဦးသိန်းစိန် လက်ထက် နိုင်ငံရေး၊ စီးပွားရေး ပြုပြင်ပြောင်းလဲမှုများ၊ ဒေါ်အောင်ဆန်းစုကြည်အပေါ် ပြည်သူလူထု၏ သဘောထား စသည်တို့ အပေါ် ၎င်း၏သဘောထားများကို ပွင့်လင်းစွာ ပြောကြားခဲ့သည့် ဦးအောင် သိန်းလင်းကို ပြည်သူများက ဝေဖန်မှုများ ထွက်ပေါ်လာသော်လည်း ယင်းအင်တာဗျူးသည် ဘာသာပြန်ဆိုမှုများဖြစ်သည့် အတွက် မည်မျှမှန်ကန်မည်ကို မသိနိုင် ၍ ပြောဆိုရန်ခက်ခဲကြောင်း နိုင်ငံရေး သမားများက ပြောသည်။ "ဒါက သူ့သဘောထားကို သူပြောတာ ပေါ့။ ကိုယ့်ယုံကြည်ရာကို ပြောပိုင်ခွင့်ရှိပါ တယ်။ ဒါပေမယ့် မြစ်ဆုံဆည်ကိစ္စကတော့ ပြန်စ ချင်တယ်ဆိုရင် သေချာပြန် ဆွေးနွေးကြဖို့ လိုလိမ့်မယ်ထင်တယ်။ ကျွန်တော်တို့ သိထားသလောက်က တော့ ပြန်မစသင့်ဘူးပေါ့" ဟု ဒီမိုကရက် ပါတီ(မြန်မာ)၏ဥက္ကဋ္ဌ ဦးသုဝေက ပြောသည်။
မြစ်ဆုံဆည်စီမံကိန်းအား ပြည်သူ လူထု၏ သဘောဆန္ဒအရ နိုင်ငံတော်သမ္မတက ဆိုင်းငံ့ခဲ့သော်လည်း ယင်း ဆုံးဖြတ်ချက်မှာ နိုင်ငံတော်သမ္မတ တစ်ဦးတည်း၏ ဆုံးဖြတ်ချက်သာဖြစ် ကြောင်း၊ လွှတ်တော်၏ ဆုံးဖြတ်ချက် မဟုတ်သည့်အတွက် လက်မခံ ကြောင်း ရန်ကုန်မြို့တော်ဝန်ဟောင်းလည်းဖြစ် သူ ပြည်သူ့လွှတ်တော်အမတ် ဦးအောင် သိန်းလင်းက ပြောကြားခဲ့ကြောင်း ဇူလိုင်လ ၁၇ ရက်နေ့က တရုတ်ဘာသာဖြင့် ထွက်ရှိသော Southern Weekend သတင်းစာနှင့် အင်တာဗျူးတွင် ဖော်ပြ ထားသည်ဟု ဆိုသည်။
"ကျွန်တော်တို့ နိုင်ငံအတွက် စဉ်းစား ရင် ပြန်ဆောက်ရမှာပေါ့။ လျှပ်စစ် ဓာတ်အားလိုအပ်ချက်က မြန်မာနိုင်ငံ အတွက် ရေရှည်ပြဿနာတစ်ခုပဲ"ဟု ဦးအောင်သိန်းလင်းက ဖြေကြားခဲ့သည် ဟု ဆိုသည်။
"ဘာသာပြန်တာ ဘယ်လောက် တိကျလဲဆိုတာမသိပေမယ့် ကြားလိုက်ရ တဲ့အချိန်မှာ အံ့ဩသွားတယ်။ သူ့အနေနဲ့ ပါတီနဲ့ လွှတ်တော်မှာ အရေးကြီးတဲ့ တာဝန်တွေကို ယူထားတဲ့သူလေ။ တကယ်လို့ ဒါတွေကို သူပြောတာ မှန်တယ်ဆိုရင် လူထုကို သူ ရင်ဆိုင် ရမှာပေါ့။ တစ်ခါတစ်ရံမှာ ကိုယ်လိုရာဆွဲတွေးပြီး ဘာသာပြန်လိုက်တာမျိုးလည်းရှိတယ်။
"မြစ်ဆုံကတော့ ရေတိုရေရှည် ထိန်း သိမ်းဖို့လိုနေတာဆိုတော့ ပြန်စဖို့ဆိုတာ လက်မခံနိုင်ဘူး။ ပြီးတော့ သမ္မတကိုယ်တိုင် ရပ်ထား သလို ပြည်သူအားလုံးက လက်ခံမှာမဟုတ်ပါဘူး" ဟု ဒီမိုကရေစီ နှင့်ငြိမ်းချမ်းရေးပါတီမှ အထွေထွေ အတွင်းရေးမှူး၊ ဦးမျိုးညွန့်က၊ ပြောသည်။
ထိုကဲ့သို့ မြစ်ဆုံဆည်တည်ဆောက် ရေးရပ်ဆိုင်းထားမှုမှာ သမ္မတ တစ်ဦး တည်း၏ သဘောထားမျိုးပြောဆိုသွား ကာ ထိုကိစ္စကို ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီက မထောက်ခံသကဲ့ သို့ ပြောဆိုမှုအပေါ်တွင် ပါတီ၏အထွေထွေ အတွင်းရေးမှူးလည်း ဖြစ်ကာ ပြည်သူ့လွှတ်တော်အမတ်တစ်ဦးဖြစ်သူ ဦးဌေးဦးက တုံ့ပြန်ပြောကြားခဲ့သည်။
"ကျွန်တော်ပြောပြမယ်လေ။ သမ္မတကြီးကလည်းပဲ ပြည်သူတွေပြောလို့ လိုက်လျောတယ်။ ပြည်သူတွေ ပြန်ပြောရင် ပါတီလည်း ပြည်သူတွေထဲမှာ ပါတာပဲ။ ပြန်ပြောရင် ပြင်လိုက်မှာပေါ့။ ပြည်သူ တွေထဲမှာလည်း ကျွန်တော်တို့ပါတာပဲ လေ။ ပြည်သူတွေက ဒါလို ပါတယ်ဆိုရင်လည်း လိုတဲ့အကြောင်း ဖြစ်မှာပေါ့။ ဒါကတော့ သူ့အကြောင်းအရာဆိုတာ အမြဲတမ်းပြောင်းနေကြတာပါပဲ" ဟု ၎င်းက ယခုလ ၂၄ ရက်နေ့က နေပြည် တော်၌ ပြောကြားသည်။
"ပထမဆုံးတစ်ခုကတော့ ကိုအောင် သိန်းလင်းပြောတဲ့ဟာကို ကျွန်တော်က အနားမှာလည်း မရှိဘူး။ ဘေးကနေ ကြားတဲ့ဟာတွေ သိတယ်။ ကျန်တဲ့ဥစ္စာ တွေ သိတယ်ဆိုတော့ သူပြောတာ ဟုတ်သလား၊ မဟုတ်သလားလည်း ကျွန်တော်မသိဘူး။ သူ့ မေးကြည့်ပါ တယ်။ သူဒီလိုတောင်ပြောတာတောင် မဟုတ်ပါဘူး။ ကြာလှပြီလို့တောင် ပြောပါတယ်။
သူတောင်မေ့နေတယ်လို့ ပြော တယ်။ ပါတီကတော့ မဟုတ်ပါဘူး။ သို့သော်လည်းပဲ သူလည်း ဗဟိုအလုပ် အမှုဆောင်တစ်ယောက် ဖြစ်နေတဲ့ အတွက် သူလည်း ပြောသင့်ပြောထိုက် တယ်လို့ ယူဆပြီး သူ့ပါစင်နယ်ဆန်ဆန် ပြောတဲ့ သဘောပါပဲ။ သူလည်း ဒီလို ရည်ရွည်ပြီး ပြောတယ်မဟုတ်ဘူးလို့ ပြောတယ်" ဟု ဦးဌေးဦးက ပြောသည်။
ပြည်တွင်း ဂျာနယ်တစ်စောင်မှ ဦးအောင်သိန်းလင်းအား အဆိုပါကိစ္စကို မေးမြန်းရာတွင် ၎င်းအနေဖြင့် ထိုကဲ့သို့ ပြောကြားမိခြင်း မဟုတ်ကြောင်းနှင့် အဆင့်ဆင့် ပြောင်းလဲသွားခြင်းဖြစ်နိုင်သည်ဟု ဖြေကြားခဲ့သည်ဟု ပြန်လည် ကြားသိရကြောင်း ၎င်းက ပြောသည်။
ထို့ပြင် အင်တာဗျူးတွင် ဦးအောင် သိန်းလင်းက ၎င်းအနေဖြင့် ကုလသမဂ္ဂ ကိုလည်း မယုံကြည်ကြောင်းဖြေကြားခဲ့ သည်ဟု ဆိုသည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေး ပါတီအား အဓိကဦးဆောင်သူများတွင် ပါဝင်သော ဦးအောင်သိန်းလင်းက မြန်မာနိုင်ငံ၏ ပြုပြင် ပြောင်းလဲရေး လုပ်ငန်းများမှာ အောင်မြင်မှုရနေ ကြောင်း၊ နောက်ပြန့်လှည့်စရာမရှိ ကြောင်း၊ ပါတီမှာ ပြည်သူ့အကျိုးကို သယ်ပိုး နေသော ပါတီဖြစ်ကြောင်း၊ ၂၀၁၅ ရွေးကောက်ပွဲအတွက် ၂၀၁၀ ကြားဖြတ်ရွေးကောက်ပွဲ အတွေ့အကြုံ များကို သင်ခန်းစာယူကာ ကြိုးစားပါက အနိုင်ရမည်ဟု ယုံကြည်ကြောင်း ထိုအင်တာဗျူးတွင် ဖြေကြားခဲ့သည်။