ရွှေကြော အန္တရာယ်နဲ့ အခွင့်အလမ်းဆောင်းပါး

  

၂ဝ၁၂ ခုနှစ် ရောက်လာတော့ ရွှေကြောအသစ်တွေ့ဖို့ကို အင်မတန်ခက်လာတယ်။ ဘာ့ကြောင့်လဲဆိုတော့ ခေတ်မီနည်း ပညာတွေနဲ့ တူးတဲ့လူတွေများလာလို့ပါ။ လွန်ခဲ့တဲ့ နှစ်ပေါင်းတရာလောက်က အခြေအနေနဲ့ အခုအခြေအနေ မတူတော့ ပါဘူး။ သယံဇာတတွေ ကုန်လာနေပြီ။ထုံးစံအတိုင်းပဲ ရှေ့သို့ ဆက်ဖတ်ရန်နိပ်လိုက်ပါအုန်း...

 
ရွှေဈေးကလည်း မကျတဲ့အပြင် တရိပ်ရိပ်နဲ့တက်လာတယ်။ ကုန်ဈေးနှုန်းကလည်း ကြီးလာတော့ အရင်ကလောက် ရွှေ တူးတဲ့ ကုမ္ပဏီတွေ မမြတ်တော့ဘူး။ တွေ့ပြီးသားရွှေကြောတွေကို တူးတာကလည်း နှစ်အနည်းငယ်အတွင်းမှာ ကုန်သွား မှာဆိုတော့ ရွှေကြောအသစ်အသစ်တွေကို ကုမ္ပဏီတွေက အပြိုင်အဆိုင်ရှာလာပါတော့တယ်။
ရွှေတူးတဲ့ ကုမ္ပဏီကြီးတွေမှာ ကမ္ဘာပတ်ပြီး ရွှေရှာဖို့အတွက် သီးသန့်ဖွဲ့ ထားတဲ့ ဌာနရှိတယ်။ The Growth and International Project Team လို့ခေါ်တယ်။ သူတို့အလုပ်က နယ်လှည့်ပြီး ရွှေကြောဖြစ်နိုင်ခြေကို လိုက်ပြီးရှာတယ်။
ပထမဆုံး သူတို့အနေနဲ့ ရုံးခန်းထဲမှာထိုင်ပြီး ကမ္ဘာပေါ်ကနိုင်ငံတွေထဲကနေ ရွှေထွက်များနိုင်တဲ့ နိုင်ငံတွေကို ရွေးချယ် တယ်။ အင်္ဂလိပ်လိုကတော့ Global View of the Macro Geological Picutre on high level targeting လို့ခေါ်ပါ တယ်။ ဘာနည်းပညာကိုသုံးလဲဆိုတော့ Global Business Area Rating (GBar) ဆိုတဲ့ နည်းပညာပါ။ ဒါကတော့ ရွှေ ထွက်များတဲ့ နိုင်ငံတွေကို ရုံးခန်းထဲကနေ မြေပုံဆွဲတဲ့အတက်ပညာပါ။ ဥပမာ အမေရိကန်ကပိုင်တဲ့ လန်းက်ဆဲဗင်းလို ဆက်တလိုက်နဲ့ လေ့လာသလို အခြား နောက်ဆုံးပေါ် နည်းပညာတွေနဲ့လည်း လေ့လာတယ်။ ကုမ္ပဏီကြီးတွေက ဘယ် နေရာမှာ Ore Body လို့ခေါ်တဲ့ ရွှေကြောရှိလဲဆိုတာကို လူကိုယ်တိုင်မသွားခင်ကတည်းက အကြမ်းဖျင်းသိပါတယ်။
တကယ်လို့ ရွှေထွက်ကောင်းတဲ့နေရာကိုတွေ့ရင် သူတို့အနေနဲ့ တိုက်ရိုက်ရှာဖွေရေးဆင်းပါတယ်။ ဒီနေရာမှာ စက်ယန္တ ယား အကူအညီနဲ့ Samples ကောက်တယ်။ တူးဖို့အထိကို အဆင့်ဆင့်ကျော်ဖြတ်ရတယ်။ ရွှေကြောကြီးရင် ကြီးသလို လေးငါးနှစ်အထိ ရှာဖွေရေးလုပ်ရတယ်။တကယ်လို့ ရွှေအထွက်နှုန်းကောင်းတာကိုတွေ့ရင် ကုန်ကျစရိတ်နဲ့ အမြတ်ဘယ် လောက်ရမလဲ ဆိုတာကို တွက်ချက်ရတယ်။ Resources Geologist ဆိုတဲ့ပညာရှင်က သူ့ရဲ့အဓိကအလုပ်ဖြစ်တဲ့ အ မြတ်နဲ့အရှုံးကို မတူးခင်ကတည်းက တွက်ပြီးသားပါ။ ဥပမာ ကျနော်တို့ ကုမ္ပဏီဆိုရင် Rules of 2s ဆိုတဲ့ ပေါ်လစီကို ကျင့်သုံးတယ်။ မြန်မာနိုင်ငံမှာ ရွှေတွေ့ပြီဆိုရင် သုံးလေးတန်လောက်ကို စိတ်မဝင်စားပါဘူး။ ရွှေအောင်စ နှစ်သန်း အ နည်းဆုံး ရှိရမယ်။ တနှစ်ကို ရွှေအောင်စ နှစ်သိန်းထွက်ရမယ်။ ဒိထက်နည်းရင် ကျနော်တို့ စိတ်မဝင်စားပါဘူး။
မြန်မာပြည်မှာ တပိုင်တနိုင်တူးတဲ့ လူတွေရှိတယ်။ ဒါကို အင်္ဂလိပ်လို့ခေါ်ရင် Artisanal and Small-scale Mining(ASM) လို့ခေါ်တယ်။ နိုင်ငံတိုင်းမှာ ဒီလိုလူတွေအများကြီးပါ။ မိရိုးဖလာလုပ်စားတယ်လို့လည်း ဆိုလို့ရတယ်။ အထူးသဖြင့် ဆင်း ရဲတဲ့ နိုင်ငံတွေနဲ့ ဖွံ့ဖြိူးဆဲနိုင်ငံတွေမှာ ပိုပြီးတွေ့ရတယ်။ The World Gold Council က တပိုင်တနိုင် လုပ်ငန်းလုပ်တဲ့ လူ တွေဟာ သန်း ၈ဝ ကနေ သန်းတရာအထိ ရှိမယ်လို့ခန့်မှန်းတယ်။ အလုပ်လက်မဲ့ဖြစ်လာပြီးဆိုရင် ဒီလိုအလုပ်ကို လုပ် ကြတယ်။ အာရှမှာအများဆုံးပဲ။ ကမ္ဘာ့ရွှေထုတ်လုပ်မှုရဲ့ ၁ဝ ရာခိုင်နှုန်းကို တပိုင်တနိုင်တူးတဲ့လူတွေက ထုတ်လုပ်ပေး တယ်။ ကျန်တဲ့ ၉ဝ ကိုတော့ ကုမ္ပဏီကြီးတွေက ထုတ်ပေးတယ်။ ဒီနေရာမှာ ကုမ္ပဏီကြီးတွေနဲ့ အဲဒီလို လူတွေကြားမှာ ပြဿနာရှိတယ်။ ဘယ်လို ပြဿနာလဲဆိုတော့ လက်နဲ့တူးတဲ့လူတွေက ရွှေရှိမဲ့နေရာကို သိတယ်။ သူတို့ သိတာကို ကုမ္ပဏီကြီးတွေက လေ့လာရတယ်။ ပြီးတော့ အဲဒီနေရာ အကြီးအကျယ်တူးကြပါတယ်။ ဒီလိုဆိုတော့ လက်နဲ့တူးတဲ့ လူတွေ အလုပ်လက်မဲ့ ဖြစ်ကြတယ်။ ဒါနဲ့ကုမ္ပဏီတွေကို ပြဿနာရှာရောပဲ။ အင်ဒိုနီးရှား၊ ဂါနာ၊ ပီရူး စတဲ့ နိုင်ငံတွေမှာ ခုတ်ကြ သတ်ကြတဲ့အထိ ဖြစ်ဖူးတဲ့ ဥပမာတွေရှိတယ်။ သေလိုက်တဲ့လူတွေကလည်း မနည်းဘူး။
ဒီလိုမဖြစ်အောင် ဂုဏ်သိက္ခာရှိတဲ့ ကုမ္ပဏီကြီးတွေက သူတို့အတွက်လည်း စဉ်းစားပေးတယ်။ စီစဉ်ပေးတယ်။ ဘယ်လို စီစဉ်ပေးလဲဆိုတော့ ကုမ္ပဏီပိုင်တဲ့ နေရာမှာ လက်နဲ့တူးတဲ့လူတွေအတွက် သီးသန့်နေရာ သတ်မှတ်ပေးတယ်။ တူးတဲ့လူ တွေအနေနဲ့ စည်းကမ်းကို သတ်မှတ်ပေးတယ်။ ဒီလိုမှ မလုပ်ရင် ဖြစ်သလိုတူးကြရောပဲ။ တကယ်လို့သာ နေရာသီးသန့် မလုပ်ပေးထားရင် ကုမ္ပဏီနဲ့ အဲဒီလူတွေအကြားမှာ အကြီးကျယ်ပြဿနာတက်နိုင်သလို သူတို့လည်း ဘာနဲ့ ထမင်းစား မလဲ။ ဆိုတော့ နှစ်ဘက်လုံးအတွက် မျှမျှတတစဉ်းစားပေးရတယ်။
ဂါနာနိုင်ငံမှာ ဖြစ်ခဲ့တုန်းကဆိုရင် ကြောက်စရာအင်မတန်ကောင်းတယ်။ ကျနော်တို့ ကုမ္ပဏီတူးနေတဲ့ ပိုင်နက်ထဲကို ဒေ သခံတွေက အတင်းအဓမ္မ ဝင်ပြီးတူးတယ်။ လူပေါင်း ၂၅ဝဝ လောက်ရှိတယ်။ မောင်းထုတ်လည်း မရဘူး။ နောက်ဆုံး စစ်တပ်ကိုခေါ်တဲ့အထိ ဖြစ်လာရော။ တချို့ဆိုရင် မိုင်းထဲမှာတောင် အပင်တွေ စိုက်ပျိုစားတဲ့အထိ ဖြစ်ကြတယ်။ နောက် ဆုံး ဒေသခံတွေနဲ့ ကုမ္ပဏီကြားမှာ အပေးယူလုပ်ရသလို ဂါနာအစိုးရရဲ့အမိန့်ကိုလည်း နာခံရတယ်။ နောက်ဆုံးတော့ သူတို့အတွက် သီးသန့်နေရာကို တူးဖို့အတွက် စီစဉ်ပေးရပါတယ်။
မိုင်းတူးတဲ့အခါမှာ သဘာဝပါတ်ဝန်းကျင်အပြင် လူမှု့ ဘဝတွေကို ထိခိုက်စေတယ်။ ဒီလိုမဖြစ်အောင် ကုမ္ပဏီတွေအနေနဲ့ စဉ်းစားရတယ်။ နှစ်ဘက်လုံးအတွက် အကျိုးအမြတ်ရှိမှ လုပ်တယ်။ အထူးသဖြင့် ကုမ္ပဏီတွေက အထူးတာဝန်ယူကြရ တယ်။ တာဝန်မယူနိုင်ဘူး၊ မယူချင်ဘူးဆိုရင် မတူးရဘူးလို့ သြစတေးလျနိုင်ငံ မိုင်းဥပဒေက အတိအလင်း ပြဋ္ဌာန်းထား သလို ကျူးလွန်ခဲ့ရင်လည်း လုံးဝကိုအရေးယူတယ်။ လျှောက်လွှာတင်ကတည်းက ဒေါ်လာသန်းချီပြီး အပေါင်တင်ထား ရတယ်။ ကျနော်တို့ ကုမ္ပဏီက ၂၅ သန်းတင်ရတယ်။ အစိုးရရဲ့ဥပဒေကို မလိုက်နာရင် အဲဒီငွေဆုံးပဲ။ ဒါ့ကြောင့် ဘယ်သူ မှ မလှုပ်ရဲဘူး။
မိုင်းတူးရင် မြေရှင်းရတယ်။ မြေတူးရတယ်။ သစ်ပင်တွေခုတ်လဲရတယ်။ မိုင်းကြောင့် မြေအောက်ရေကအစ မြေပေါ်ရေ အထိ ညစ်ညမ်းမှုတွေ ရှိတယ်။ ရှေးဟောင်းအမွေအနှစ်တွေအပြင် ရွာတွေကိုလည်း ထိခိုက်စေတယ်။ ကုမ္ပဏီကတော့ ရွှေလိုချင်လို့ ရွှေတူးတာ ပြဿနာမရှိဘူး။ ဒါပေမဲ့ ဘယ်လိုမျိုး အထက်ကပြောတဲ့ မြေ၊ ရေ၊ လေ၊ လူ စတဲ့ အရာကို မထိ အောင် စီမံခန့်ခွဲမလဲ။
ပီရူးနိုင်ငံမှာ ကုမ္ပဏီရဲ့ရွှေတူးဖော်ရေးမိုင်းရှိတယ်။ မိုင်းပတ်လည်မှာ ဒေသခံရွာပေါင်းများစွာလည်းရှိတော့ ကုမ္ပဏီနဲ့ သူ တို့ရဲ့ဆက်ဆံရေး ပြေလည်စေဖို့၊ သူတို့လိုအပ်ချက်တွေကိုလည်း ဖြည့်ဆည်းပေးရတယ်။ ပီရူးအစိုးရက ဘယ်လို ဥပေဒ ရှိလည်းတော့ မသိဘူး။ သို့သော် ကျနော်တို့ ပေါ်လစီက သူတို့ရဲ့ အခက်အခဲကိုလည်း ဖြေရှင်းပေးရမယ်လို့ ပြဋ္ဌာန်းထား တယ်။ ဒါကို ဝန်ထမ်းတိုင်းလုံးဝ လိုက်နာပြီး အကောင်အထည်ဖော်ကြရတယ်။ ဒေသခံတွေအတွက် ကျန်းမာရေး၊ ပညာ ရေး၊ အလုပ်အကိုင်ရရှိရေးနဲ့ စည်းပွားရေးလုပ်ငန်းတွေ ကြီးထွားလာအောင်ကို အစီအစဉ်တွေချမှတ် အကောင်အထည် ဖော်ပေးတယ်။ အဲဒီဒေသမှာ မိုင်းတူးတော့ ဝန်ထမ်းတွေလိုတယ်။ မြန်မာနိုင်ငံကလို ကုမ္ပဏီတွေရဲ့ အလုပ်သမားတွေ အားလုံးက တရုတ်နိုင်ငံက တင်သွင်းလာသလိုမျိုး လုပ်လို့မရဘူး။ ရွာတွေကနေ အလုပ်သမားပေါင်း ၁၂ဝဝ ကို အလုပ် ခန့်တယ်။ သူတို့က မိုင်းလုပ်ငန်းဆိုင်ရာ ကျွမ်းကျင်မှုမရှိတဲ့အပြင် ဗဟုသုတလည်း အင်မတန်နည်းတယ်။ နိုင်ငံခြားက ကျွမ်းကျင်ပညာရှင်တွေကနေ အဲဒီဒေသက အလုပ်သမားတွေကို လုပ်ငန်းခွင်ဆိုင်ရာသင်တန်းတွေ၊ လက်တွေ့တွေပေး တယ်။ ဥပမာ ဘူဒိုဇာမောင်းနည်းပညာ၊ မြေသည်စက်မောင်းနည်းပညာ၊ ပန်းရံပညာကစပြီး မီးပြင်တဲ့ပညာအဆုံး သင် တန်းတွေကို အချိန်ယူပြီးသင်ပေးတယ်။ ဒါကို The Driect Area of Influnece (DAI) လို့ ခေါ်တယ်။ သူတို့လည်း ပညာ နဲ့ အလုပ်ရသလို ကုမ္ပဏီအတွက်လည်း တွက်ခြေကိုက်တယ်။ နိုင်ငံခြားက ဈေးကြီးကြီးပေးငှားရတဲ့ ဝန်ထမ်းတွေအစား ဈေးပေါတဲ့ ဒေသခံတွေနဲ့တင် မိုင်းကလည်ပတ်လို့ရတော့ နှစ်ဘတ်လုံးအတွက် အဆင်ပြေတယ်။
ကုမ္ပဏီကြီးတခုမှာ အနည်းဆုံးဝန်ထမ်းက ထောင်ကျော်ရှိတယ်။ ဒါ့အပြင် ဌာနတွေလည်းအတော်များတယ်။ အိုင်တီ ဌာကစလို့ ဂျီအိုလော်ဂျီအထိ ဌာနတွေရှိတော့ တက္ကသိုလ်ကျောင်းသားတွေအတွက် အခွင့်အလမ်းကောင်းတယ်။ တက္က သိုလ်က ဘွဲ့မရသေးခင်မှာ အလုပ်သင်အနေနဲ့ မိုင်းမှာလာပြီးလုပ်ကြတယ်။ တော်တဲ့ကျောင်းသား အလုပ်ကျိုးစားတဲ့ ကျောင်းသားဆိုရင် တခါတည်း အလုပ်ခန့်တော့ ကျောင်းသားတွေ အလုပ်ပါရပါတယ်။ ဒီလိုအခွင့်အလမ်းမျိုးကို ကုမ္ပဏီ က တနှစ်မှာ အယောက်ငါးဆယ်လောက် တက္ကသိုလ်တွေနဲ့ချိတ်ထားပြီး အခွင့်အလမ်းပေးတော့ မြန်မာပြည်မှာလို ဘွဲ့ရ အလုပ်လက်မဲ့တွေ မရှိနိုင်တော့ဘူး။ အလုပ်မရရင်တောင် အလုပ်အတွေ့အကြုံနဲ့ ဘွဲ့ရှိတော့ အခြားကုမ္ပဏီတွေမှာ အ လုပ်ရနိုင်ပါတယ်။ ဒါမျိုးကို မြန်မာပြည်က ကုမ္ပဏီတွေ လုပ်ကြစေချင်တယ်။
နောက်တခုက ပညာတော်သင်လွတ်တဲ့ ကိစ္စပါ။ ကုမ္ပဏီကနေ နိုင်ငံခြားတိုင်းပြည်တွေက ကုမ္ပဏီတွေနဲ့ ဝန်ထမ်းချင်း လဲလှယ်တဲ့ အစီအစဉ်လုပ်ပေးတယ်။ ဥပမာ ကျနော်တို့ဌာနက ဂျီသြလောဂျစ်တွေ ဖင်လန်၊ ဖိလစ်ပိုင်နဲ့ တောင်အာဖရိ က နိုင်ငံက မိုင်းတွေမှာ သွားပြီးအလုပ်အတွေ့အကြုံယူရတယ်။ သူတို့ဆီက ဝန်ထမ်းလည်း သြစတေးလျက ကျနော်တို့ မိုင်းမှာလာပြီး လေ့လာတယ်။ ဒါမှ ပညာချင်းဖလှယ်နိုင်မှာပါ။ ဝန်ထမ်းတွေရဲ့အရည်အသွေးလည်း အမြဲတိုးတက်နေ တယ်။ တနှစ်မှာ လေးငါးခြောက်လတခါ သင်တန်းတက်ရတယ်။ ပညာနဲ့ပေါ်လစီဆိုတာက အမြဲတမ်း အသစ်ဖြစ်လေ့ရှိ တော့ ဒါတွေကို အမီလိုက်ဖို့က သင်တန်းလိုတယ်။ ဒီလိုမှ မတက်ရင် ဝန်ထမ်းအရည်အသွေးက ညံ့သထက်ညံ့လာပြီး ကုမ္ပဏီလည်း ဒေဝါလီခံရမှာကို အရာရှိကြီးတွေသိတော့ လုပ်ပေးပါတယ်။
ပီရူးနိုင်ငံမှာ ဒေသခံတွေရောင်းတဲ့ ဆန်ဆီးဆား ငရုတ်ကြက်သွန်ကစလို့ ကုန်ကြမ်းပစ္စည်းတွေကိုလည်း ကျနော်တို့ ပေါ် လစီအရ ဝယ်ရတော့ ရွာက စီးပွားရေးကောင်းလာတယ်။ အဲဒိဒေသက အင်မတန်ခေါင်တဲ့အပြင် အစိုးရကလည်း လက် လှမ်းမမီဘူး။ ဒီတော့ ကုမ္ပဏီက ကျောင်းတွေဖွင့်တယ်။ ဆေးပေးခန်းတွေဆောက်တယ်။ ဆေးရုံတွေဆောက်ပေးတယ်။ ကုန်ကုန်ပြောရင် သူနာပြုတွေကအစ ဆေးမှူးတွေအဆုံး ကုမ္ပဏီကနေ ငွေကုန်ပြီး သင်တန်းပေးတယ်။ သင်တန်းဆင်း တွေက သူတို့ရွာတွေမှာ ပြန်လုပ်ကြတော့ အကျိုးရှိပြန်တယ်။ မိုင်းစဖွင့်တုန်းက ဒေသခံတွေက ကုမ္ပဏီကို အရမ်းဆန့် ကျင်တယ်။ အခုတော့ သူတို့ဆန့်ကျင်ဖို့ နေနေသာသာ ကုမ္ပဏီက အဲဒီဒေသကနေ ထွက်သွားမှာကို အရမ်းကြောက် နေပြီ။ ဘာ့ကြောင့်လဲဆိုတော့ သူတို့စီးပွားဖြစ်နေပြီဆိုတော့ ကုမ္ပဏီမှ မရှိရင် ဒုက္ခဖြစ်တော့မှာကို ကြိုသိတယ်။
ရွှေမိုင်းက ရေကို အရမ်းသုံးရတယ်။ ရေနဲ့ ဆင်နိုက်လို့ခေါ်တဲ့ ဓာတုပစ္စည်းကို ရောစပ်ပြီးမှ ရွှေကိုကျောက်သားကနေ ထုတ်ယူလို့ရတယ်။ အင်မတန်ကြီးတဲ့မိုင်းတင်မဟုတ်ဘူး လက်နဲ့တူးတဲ့လူတွေလည်း ဒါကိုပဲသုံးရတယ်လို့ ထင်တယ်။ မြစ်ချောင်းတွေမှာရွှေကျင်တော့ အဲဒီ ဆင်နိုက်အရည်က ချောင်းထဲစီးဝင်တယ်။ ဒါကို လူနဲ့ငါးကသောက်တော့ ရောဂါရ ရော။ အပင်လည်း အဆိပ်သင့်တယ်။ ရွှေအောင်စ သန်းနဲ့ချီပြီးထုတ်တဲ့ ကုမ္ပဏီဟာ ဒီကိစ္စကို သေသေချာချာ ကိုင်တွယ် ရတယ်။ တချက်ကလေးလွဲတာနဲ့ဘေးနားက ရွာတွေ ဒုက္ခဖြစ်ရောပဲ။
ပီရူးမှာ ရွှေမိုင်းစဖွင့်တော့ ရွာတွေက သူတို့ချောင်းတွေ ညစ်ပတ်ကုန်ပြီဆိုပြီဆင်ခြေပေးတယ်။ ကန့်ကွက်တယ်။ နောက် ဆုံး ကျနော်တို့ကဘယ်လို စဉ်းစားရလဲဆိုတော့ Open Transpency ကို ကျင့်သုံးလာရတယ်။ သူတို့ယုံကြည်စိတ်ချ အောင် လုပ်တဲ့နည်းလမ်းက အားလုံးပွင့်လင်းမှ ရမယ်။ ဒါနဲ့ မင်းတို့ရွာတွေက ကိုယ်စားလှယ်ရွေး။ ပြီးရင် အဲဒီလူတွေနဲ့ ရေသန့်ရှင်းရေးကို ကျွမ်းကျင်တဲ့ပညာရှင်တွေနဲ့တွဲပေးပြီး မြစ်ချောင်းတွေမှာ ရေစစ်တမ်းကောက်တယ်။ ခြောက်လ တခါ ကောက်တယ်။ ခေတ်မီစက်တွေနဲ့ စစ်တယ်။ ဒါတင်မဟုတ်သေးဘူး။ Exernal Audit လိုခေါ်တဲ့ အပြင်က အစိုးရအသိ အမှတ်ပြု လက်မှတ်ရ ရေအရည်အသွေးကိုစစ်တဲ့ ကျွမ်းကျင်ပညာရှင်တွေက ခြောက်လတခါ ပုံမှန်ပြန်စစ်တယ်။ ရလာ တဲ့ ရလာဒ်ကို လူထုကို အသိပေးတယ်။ တကယ်လို့ ရေမသန့်တာတွေ့ရင် မိုင်းကိုပြန်ပြီ ဒီထက်ကောင်းတဲ့ စီမံခန့်ခွဲမှုနဲ့ စိစစ်ပြန်တယ်။ နောက်ဆုံး လူထုကလည်း လက်ခံလာတယ်။ သူတို့ထင်တာတွေ မှားနေတယ်လို့ ပြောတယ်။ တချို့ သော သဘာဝပတ်ဝန်းကျင်နဲ့ လူအခွင့်အရေးလှုပ်ရှားသူတွေက ပထမဆုံးသူတို့အထင် ချောင်းတွေမြစ်တွေက ညစ်ညမ်း နေပြီဆိုပြီး ကန်ပိန်းလုပ်ထားတာကို ပြန်ရုပ်သိမ်းတယ်။ ဒါ့ကြောင့် Company တိုင်း Open Transpency က အောင်မြင် ရေးအတွက် အင်မတန်ကို အရေးကြီးတယ်။
ရွှေကျင်ဖို့အတွက် မိုင်းထဲမှာ တွင်းအကြီးကြီးကို တူးရတယ်။ မိုင်းကညစ်ညမ်းရေတွေကို အဲဒီတွင်းထဲကို စွန့်ထုတ်တယ်။ တွင်းအောက်မှာ ရေမစိမ့်နိုင်တဲ့ တာလပတ်ကို ခံထားတော့ ညစ်ညမ်းရေက မြေအောက်ရေအထိ စိမ့်မဝင်နိုင်ဘူး။ ပြီး တော့ ရေကို Recycling လုပ်တယ်။ ပိုတဲ့ရေကို ဘေးနားက ရွာတွေမှာ လယ်ယာစိုက်ပျိုးနိုင်အောင် ဖြန့်ဖြူးပေးတယ်။ ဒီလိုပုံစံနဲ့ ဆင်နိုက်အန္တရာယ်ကနေ ကာကွယ်ပေးထားတော့ မြစ်ချောင်းတွေထဲအထိ ရေညစ်တွေက မရောက်တော့ဘူး။
နောက်တခုက မည်သည့်မိုင်းမဆို စက်ယန္တယားတွေနဲ့တူးတော့ ဆီချေးအလေအလွင့်တွေက မြေပေါ်ကိုကျတယ်။ ဒီဟာ တွေကို Hydrocarbon လို့ခေါ်တယ်။ ဓာတ်ဆီ၊ ဒီဇယ်နဲ့အင်ဂျင်ဝိုင်တွေကို ဆိုလိုတာပါ။ ဒီလိုမဖြစ်အောင် ဝန်ထမ်းတိုင်း ကို သင်တန်းပေးတယ်။ ဒါကို SpillsTraining လို့ ခေါ်တယ်။ ပြီးတော့ အထောက်အကူပစ္စည်းတွေကို ပံ့ပိုပေးတယ်။ ဥပမာ အင်ဂျင်ဝိုင်က မြေပေါ်ကိုကျလာရင် စုပ်ထုတ်တဲ့ ဖော့ပြားတွေကို အရံသင့်ထားပေးထားတယ်။ ဆီဂျေးတွေက မြေပေါ်ကိုကျရင် မြေအောက်ရေထဲအထိ စိမ့်ဝင်နိုင်တယ်။ လူတွေက ဒီရေကိုသောက်မိရင် ရောဂါရတယ်။ မိုင်းတိုင်းမှာ ဒီကိစ္စက အန္တရာယ်အကြီးဆုံးပဲ။ ဘာ့ကြောင့်လဲဆိုတော့ ကားတွေက အများကြီးကိုး။ ဒါကိုမှ စီမံခန့်ခွဲမှုကောင်းကောင်း မလုပ်နိုင်ရင် မည်သည့် သယံဇာတမှ မရှာတာအကောင်းဆုံးပဲ။
မြန်မာနိုင်ငံမှာတွေ့နေရတဲ့ မိုင်းတွေအားလုံးလိုလိုက ကျနော်လုပ်နေတဲ့ ကုမ္ပဏီနဲ့ဆို၊ ဆီနဲ့ရေလို အင်မတန်ကွာပါတယ်။ နေရာတိုင်းလိုလိုမှာ အင်အားတွေဖြည့်ဖို့ လိုနေတယ်။ ဒါကတော့ နည်းပညာအပါအဝင် စဉ်းစားပုံစဉ်းစားနည်းပါ။
အမြတ်လိုချင်တာတခုတည်းနဲ့ မလုံလောက်ဘူး။ Multinational Company ကြီးတွေက သူတို့ရဲ့ဂုဏ်သိက္ခာ (Good Reputation) ကို အထိမခံတဲ့အတွက် သူတို့တွေဟာ စနစ်တကျလုပ်ပါတယ်။
ကျနော်အနေနဲ့ ဘာ့ကြောင့် ကျနော်လုပ်နေတဲ့ကုမ္ပဏီကို မြန်မာပြည်ထဲမှာ သွင်းချင်လဲဆိုတော့ သူတို့က စံပြ (Role Model) ဖြစ်လာပြီး အခြားကုမ္ပဏီတွေလည်း အတုခိုးလာမယ်လို့ လုံးဝယုံကြည်လိုပါ။ အစိုးရရဲ့ စီမံခန့်ခွဲမှုကတော့ တ ပိုင်း ဖြစ်ပါတယ်။ ကုမ္ပဏီတွေကလည်း တဖက်တလမ်းကနေ လူထုအတွက် တာဝန်ယူရတယ်။ ကူညီရတယ်။ ဒါကို Duty of Care လို့ ခေါ်ပါတယ်။ ဒါ့ကြောင့် အမြတ်ငွေလည်းယူကြပါ။ ကူလည်း ကူညီကြပါလို့ ပြောချင်ပါတယ်။